• ಇನ್ನೊಂದು ಕಾಯದ ಸ್ಥಾನಕ್ಕೆ ಹೋಲಿಸಿದಾಗ ಒಂದು ಕಾಯದ ಸ್ಥಾನ ಕಾಲದೊಂದಿಗೆ ಬದಲಾಗುತ್ತ ಇರುವುದಕ್ಕೆ ಚಾಲನೆ ಎಂದು ಹೆಸರು.
ಚಲನೆಗೆ ಸಂಬಂಧಿಸಿದ ವಿಜ್ಞಾನದ ಶಾಖೆಗಳು
1. ಯಂತ್ರ ವಿಜ್ಞಾನ : ಬಲ ಪ್ರಯೋಗ ಆದಾಗ ದ್ರವ್ಯ ಹೇಗೆ ವರ್ತಿಸುತ್ತದೆ ಎಂಬುದನ್ನು ಅಧ್ಯಯನ ಮಾಡುವ ಭೌತಶಾಸ್ತ್ರ ಶಾಖೆ.
2. ಬಲ ವಿಜ್ಞಾನ: ಚಲನೆಯನ್ನು ಅಥವಾ ಚಲನೆಯಲ್ಲಿ ಬದಲಾವಣೆ ಉಂಟು ಮಾಡಬಲ್ಲ ಬಲಪ್ರಯೋಗ ಆದಾಗ ದ್ರವ್ಯ ಹೇಗಿರುತ್ತದೆ ಎಂಬುದನ್ನು ಅಧ್ಯಯನ ಮಾಡುವ ಶಾಖೆ.
3. ಗತಿ ವಿಜ್ಞಾನ: ಕೇವಲ ಚಲನೆಯ ಅಳತೆ ಮತ್ತು ಅಧ್ಯಯನ ವಸ್ತುವಾಗಿ ಉಳ್ಳ ಯಂತ್ರ ವಿಜ್ಞಾನ ಶಾಖೆ.
4. ಸ್ಥಿತಿ ವಿಜ್ಞಾನ : ಚಲನೆಯನ್ನು ಉಂಟುಮಾಡಲು ಬಲಗಳ ಪ್ರಯೋಗವಾದಗ ದ್ರವ್ಯದ ವರ್ತನೆಯನ್ನು ಸಮತೋಲನದಲ್ಲಿ ಇಡುವ ಬಲಗಳ ನಡುವಿನ ಸಂಬಂಧವನ್ನು ಅಧ್ಯಯನ ಮಾಡುವ ಶಾಖೆ.
ವೇಗ(Speed)= ಚಲಿಸಿದ ಅಂತರ/ಕಾಲ
ವೇಗೋತ್ಕರ್ಷ(Acceleration)= (v-u)/t
v = ಅಂತಿಮ ವೇಗ
u = ಆಂರಭಿಕವೇಗ
t = ಸಮಯ
ನ್ಯೂಟನ್‍ನ ಚಲನೆಯ ನಿಯಮಗಳು
ಒಂದನೆಯ ನಿಯಮ
• ಪ್ರತಿಯೊಂದು ವಸ್ತುವು ಹೊರಗಿನ ಬಲ ಪ್ರಯೋಗವಾಗದ ಹೊರತು ನಿಶ್ಚಲ ಸ್ಥಿತಿಯಲ್ಲಿ ಅಥವಾ ಏಕರೂಪದ ಚಲನೆಯಲ್ಲಿರುತ್ತದೆ. ಇದನ್ನು ಜಡತ್ವ ನಿರುಪಣೆಯಾಗಿ ಸಹಜವಾಗಿ ತೆಗೆದುಕೊಳ್ಳಲಾಗುತ್ತದೆ.
• ಉದಾ: ಬಸ್ಸು ದಿಢೀರನೆ ಮುಂದಕ್ಕೆ ಚಲಿಸಿದಾಗ ಬಸ್ಸಿನಲ್ಲಿರುವ ಪ್ರಯಾಣಿಕರು ಹಿಂದಕ್ಕೆ ಚಲಿಸುತ್ತಿರುವ ಬಸ್ಸು ದಿಡೀರನೆ ನಿಂತಾಗ ಪ್ರಯಾಣಿಕರು ಮುಂದಕ್ಕೆ ವಾಲುತ್ತಾರೆ
No comments:
Post a Comment